FINNA SAWMPAHNIH DAMCHHUNG ATAN

1. Thra lutuk suh la, I thil neihte chu I bul hnai amite sem kher suh, an nei zo reng anih chuan. Inti fing in inti thra suh. I thawh (contri) tir ve thei a, deal emaw thrian siam na atan pawh I hmang thei.

 

Thuhriltu 7: 15, 16; Thufingte 3: 7; Luke 16: 9

 

2. I thawhchhuah chu nakin hun atan emaw I hnu ami turte tan khawlin inhrem suh. Lawmthu sawiin lawm takin ei in la, hmang rawh. Mi pangai, fuke kim an nih chuan an thawk chhuak ve thei. Mi I ngai pawimawh anih chuan tranpui ngaite chu Lalpaah chuan dah hmasak tur anni.

 

Thuhriltu 2: 18-25; Matthaia 6: 34; Thuhriltu 4: 8) 9: 7,8) 5: 18; 1Thessalonika 5: 18; Thuhriltu 2: 10) 8: 5) 3: 12, 13

 

3. Fa chang thei tur, pianglote chu minung leh thi tate aiin an vanneih zawk avangin, an vanneihna chu pe reng zawk ang che. Lei famkimlo thratloh ziate, hremhmun kawng zau, a kal tam leh tluka a kawng zawh awlsam ziate chhut in, fa chang thei tur, pianglote vanneihna neih tir reng chu dawn thui zawk, rilru thrat leh hmangaih zawkna vang alo ni. A tlailo, fa nei ni tawh mahla, finna zirtirtu ni ang che.

 

Thuhriltu 4: 2, 3; Marka 13: 17; Matthaia 7: 13

 

4. Hnufual, rethei leh tranpui ngai dangte tranpui la, a diltu che chu pe rawh. I kut chelh ding emaw sum suh la, thlen thui tir zawk ang che. Midang hmuh tur erawh in ti suh la, hre reng bawk suh. Lalpa mit hmuha thilphalna, thratna ani chung chu. A ruka hmutu in A hria.

 

Thufingte 31; 8, 9) 3: 27, 28; Isaia 58: 7, 10; Amosa 2: 6, 8; Matthaia 6: 2-4; Galatia 2: 10; Matthaia 5: 42; Luka 6: 30

 

5. I fate chu an naupan lai atrang mahni naute chungah roreltu ah dah suh la, vaw bawk hek suh se. Nu leh pa ten an hmangaih angin hmangaihna an la hrelo a. An thu rel pawh a fel hlel thrin, chianna (proof) awmlo in thu tihthluk an sam.

 

Thufingte 22: 6

 

6. Lalpa in A tirh hmaloh che chuan, eng ang mi pawhin tir che mahsela, tu pawh kut thlak suh la tharum hmang suh. Lal ropui tak leh ber nangmah leh tu dang zawng zawng chungah a awm a, inngaitlawm ang che.

 

Matthaia 5: 39; Jakoba 1: 19, Rom 12: 19, Luka 6: 27; Tirhkohte Thiltih 5: 29; Ephesi 6: 9; Kolossa 4: 1; Deuteronomy 10: 17

 

7. Trawng tlem in insum la, (mi aa anga ngaihtuahna hnung leh hma neilo a, aa taka thil sawi leh thawhchhuah ai chuan) insawi dai in ngawi la, ngaihtuah hna thawk rawh. Ngaihtuah hi tih tur hna thra chi khat ani a, trawng leh chet chhuah hmaa awm tur ani. (Sawi aiin tih a har zawk tih hria in thutiam awlsam suh.) Tichuan, trawng hmanhmawh leh rang, chuangliam leh chhechham, thutiam thuaite I bansan thei ang. Thinchhiat leh lalpa huat zawng thil tih pawh.

Ngaihtuahna thluak hi a let tam in hmui aiin thawh tir tur ani, chhut nan te. Damchhung hnathawh eizawnna ah te pawh a trul.

 

 Thufingte 5:6; Thuhriltu 5: 2, 3; Thufingte 13: 16, 17: 27, 28

 

8. I trawngtrai in chhamvak leh sawi nawn maimai suh. Thu pawh tiamlo la a thra zawk. Kan sawi hma in a hria. 'Chuchu ka ti ang,' ti a I tih si loh chuan Lalpa a lawm in A lungni dawn em ni?

 

Thuhriltu 5: 2-7; Matthaia 6: 7; James 1: 19., 5: 12; Matthaia 5: 34-37; Thufingte 29: 20

 

9. Lalpa ah I nu leh pa leh hruaitute hmangaih rawh. Lalpa ah kan nu leh pate kan hmangaihloh chuan, kan nupui/pasal, fa leh midang ten kan hmangaih ai an hmangaih ang em? An hmangaih hmasa zawk tur pawh em ni? Tlinlohna leh tihsual nei thrin mahse, kan lei pathiante chu kan hnuchhawn, sit leh chhiahhlawh chei tur em ni, nge, kan dawm in kan pui in kan hmangaih ve tur?

Hotute pawh Lalpa ah chauh an thu awih tur ani. Lalpa thu nilo sawi, thu pe leh ti erawh Satana tirkoh ang ani.

 

Exodus 20: 12; Ephesi 6: 1-3

 

10. Hrilh lawkna hlui leh thar chu hmusit suh. A petu chu Lalpa ani a, A thu ani tih an lo thlen dikna chuan a tifiah thrin.

 

Thufingte 4: 4; 1 Thessalonika 5: 20; Joela 2: 28;  Deuteronomy 18: 18-22

 

11. Mi thlarau chan, thlarau tirha an sawi leh tih, eng ang pawh nise, sawisel emaw do suh. Lalpa in A tirh che pawh I nih si loh chuan. Thlarau anmahni hrilhtu chu va hmu a, titi puia fiah thei I ni bawk si lo.

Siam tirh ata tawp thlengin, lawm leh trah ni leh indo ni ah pawh Lalpa thlarau A thawk tih leh thlarau hnathawh chi hrang hrang a awm tih hre reng rawh. I hriatthiamloh pawh in, thinlung hawngin hriatna leh hriatthiamna dil in trawngtrai zawk rawh.

 

1 Korin 12: 4 - 11

 

12. Hlau la, Lalpa Thupekte zawm rawh. Lal, chungnung ber engkim tithei engkim siamtu leh Pa, Pathian awm chhun ani si a. A ni reng bawk dawn si.

 

Thufingte 3: 7) 9: 10) 24: 21; Thuhriltu 12: 13; Revelation 14: 7

Thil Tinreng Ei Tur Em Ni?

**THIL TINRENG EI A THIANG EM?**

 Ei tur tinreng ei a thiang,' tih hian thil tinreng ei a thiang tihna ani em,  tih kan inzawh a ngaiin a rinawmloh. Achhan chu, thiang nise Ekte, Tur leh Ruihhlo leh thilthralo dangte ei a thiang tihna ani dawn ani. Chuvangin Pathian thubuah 'Ei tur tinreng ei a theih' tih chuan, Eiloh tur Atih, Tur, sa thianghlimlo leh thildang thianghlimlote chu ei a thiang A tihna ani ngailo tih kan hre thei ta ani.

 'Mahse, Lal Isua sawi Marka bung 7ah 'Kaa lutin mi ati bawlhhlawhlo,' tih ziak a awm kha, sa thianghlimlo kan ei thei tawh,' tiin angaihna kan hrelo thei. Rilru inhawnga kan zirchian chuan, 'Kut silloha chaw ei a pawilo ve,' tih leh 'Thinlung atranga chhuak thuawihlohna hi ani mihring ti bawlhhlawh tu, - chuchu - Pathian Thupek Sawm zawmloh tirtu (leh, tunlai keini tan, Sa Thianglo eitirtu) che u ani,' A tihna ani, tih kan hmu. (en rawh, chang 8-12) Anihlohleh, Ekte, Eklungte, Turte han ei in chhin teh?

 Mahse, sa ei thiang leh thianglo tih hi chu Israelte tana pek, Thuthlung hlui alawm tiin kan hriatna a buai maithei. Vanchaw dawng tura thinlung inhawngte tan erawh buaina a awm ta lo - chiang takin a hmuh theih si -

**NOVA THLAH I NI EM?**

 Israelte awm hma fein, Noa hnenah Pathianin sa thianghlim leh thianghlimlo, ei tur leh eiloh tur, thlaihnah A pek angin A lo pe diam tawh tih Genesis bung 7:2 leh 9:3ah kan hmu. Chung atrang, Noa thlahten kan theihnghilh tak avangin, Lalpan Israelte ei tur leh eiloh tur A pe leh ani tih a hriatthiam theih ani. Chutih rualin keini Noa leh a thlahte hnena A pek, Thu kan zawm tur chu abang ta e A ti chuanglo.

 Nova thlahte kan nih chuan sa ei tur leh eiloh tur thu chu kan tan pawh ala ni reng ani tih hei hian ati fiah zual hle - chuchu - Lalpa thuthlunna Chhimbal, vawiinni thlenga tawp mailova lang thrin hian. Nova thlah kan nilo kan tih pawhin eiloh tur - sa thianghlimlo pawh nise, tur, ek, ruihhlo leh thil hrisello, thianghlimlo dangte kan ei a mawilovin a awmlo thotho ani.

**SA EI TUR NGE EILOH TUR?**

 Lalpan leia thilnung A siam zawng zawng chungah mihringte hi hotu, enkawltuah min dah avangin, thiltihtheihna leh thuneihnaah, thilnungte tan chuan pathian ang - lal ang kan lo ni. Thudangah chuan, ram sate hi kan naute, nau mipa leh hmeichhiate ang anni.

I naute sa chu I ei dawn em ni? I pum puar nan, an nat phaha I ei a rinawmloh. Anihlohleh, ramsaah han inchan chin ila, "Yes, min ei rawh, min ei rawh, min talh la min ei rawh," kan tih hmelloh. "Pathian ruat pathian, min that lul suh ka pu, ka lal I ni si a, hreawm leh na tuarlovin min dah thei si.." tihtea auin khawngaih kan ngen nasa lovang emni? Keini mihringte mah kan nat mangan deuhin, Lalpa Pathian khawngaihna ngenin kan au vak thrin si.

 Lal Isuan, "Miin in chunga an tiha in duh tur angin mi chungah pawh ti ve rawh u," A tihte ram sa chungah pawh a hman theih dawndawn tawh ani.

 Isaia bung 65:17-25a ziak, Lei tharah chuan intihnat a awm tawh lovang tih angin, chutah sa ei a awm tawh dawn si lo. Tun atrang sa thianghlimlo mai nilo, sa hrimhrim kan puar nan, an nat phaha kan ei hi, bansan kan zir tran hi a thra ani. Ani, kan hnuaia awm ramsate chunga khawngaihna kan neih hi a thra ani. Khawngaihna hi Lalpa atranga chhuak, A duh zawng ani si.

 **^HE MANA - VANCHAW HI I LAIHNAITE EI TURIN HLAN VE RAWH^**

 *Thupui Hmasa Pahnih Khi Pathian Thu, Thutak Ani A, A Pathumna Erawh Kan Duhthlannaah Lalpan A La Dah Rih (A Rei Tawh Lo Ang)*

 1. Boiha Kan Lo Tar Hun Chuan..

 2. Pathian Mi leh Kohhran Chu Eng Nge? (Thuruk)

 3. Thlarau Hi Eng Nge? Thlarau I Nei Lo?

 4. Pathian leh Mihring Chawlhnite?

 5. ..

Pathian leh Mihring Chawlhnite?

**PATHIAN CHAWLHNI LEH MIHRING CHAWLHNI?**

 Pathian chawlhni leh mihring chawlhni a awm. Keini mihringte erawh hi chuan chawlhni tamtak kan nei, inkhawmni emaw sakhaw hrang hrang chawlhnite mai nilo, school naupang leh sawrkar hnathawkte tan sawrkar leh school chawlhnite pawh. A lianberah chuan Sunday hi mihringte chawlhni serh larber ani.

Chung kan chawlhnite chu min Siamtu kan Pathian chawlhnite anni ve kher lo. A chawlhni erawh chu kan chawlhni ani thei, Amah chu kan Pa, Lalpa bera kan pawm chuan.

 A chawlhni chu, Genesis bung 2 chang 2,3 chuan, 'karkhata a nisarihni chuan A chawl a, chumi ni chu mal A sawma, A tithianghlim (Sanctified, chu chu serh/Sakhaw thil atan A dah hrang) ani' ati. Chumi ni chu Saturday, Sabbath ani tih kan hailo. Israel nia kan hriatte ta tur bika siam anilo, Thuthlung hluia tel pawh anilo tih hnial rual lohvin kan hmuchhuak thei. Karkhata nisarih lo awm dan pawh.

**ISUA CHAWLHNI  LEH A HMANDAN ENGE?**

 Lal Isuan "Sabbath hi mihringte tana siam ani," (Marka 2:27) tiin Pathian siam chawlhni chu A rawn nemnghet bawk lehnghal mai nilovin, kan tan pawh anih zia fiah tawkin A rawn sawi belh leh ta zawk a. Chumai nilovin Ani chuan sumdawnloh, bawhchhiatloha chawlh mai mai pawh nilovin, A Pa duhzawng, thilthra tih ni atan A hmang ta zawk ani. Chumai nilo, a belhchhah nan Israel ramah a rawn piang seilian a, A pian hnu ata ni bawk A chawlhni chu hai rual anilo bawk.

  A hnungzui, thuawihtute kan nih chuan enge kan tih ve tur kan hria, chutih huna A hnung zuitu rinawm te pawhin enge antih tih pawh. Sunday emaw nidangah chuan duh leh kan chawl anga, duh leh kan inkhawm thei. Lalpan chawlhloh tur tiin emaw min khap lo. Amah, kan Pa Pathian chu dik taka kan biaka A chatuan thilpek kan duh erawh chuan A siam chawlhni kan hriatpuiin, A siam A fate kan nih angin kan hmanpui ve tur ani lawm ni?

**PATHIAN NGE MIHRING CHAWLHNI PAWIMAWH ZAWK?**

 'Mihring chawlhnite leh Pathian chawlhni a awm tih kan hriat siah chuan, enge kan ngaih pawimawh zawkin kan hlut zawk ang' tih kan rin Isuaah ngaihtuaha hriatchian a ngaiin, a trul ta.

 Ani chuan, Matthaia bung 15:9 a kan hmuh angin, "Mahse, awmze neilo in min bia ani, an doctrinete atan mihring thupekte an zirtir avangin," tiin kan ngaihdana pawimawh kan tihte hi a pawimawhloh zia min hrilh hriattir ani.

 Kan aia ringtu hmasaber leh puipate, Petera leh zirtir dangte atrang pawh in, Tirhkohte bung 5:29 a ziak "Mihring thu aiin Pathian thu kan zawm zawk tur ani," tih angin Pathian thu, A chawlhni tiamin kan ngai pawimawh zawk tur ani tih kan hria.

  Sunday chu Lal Isua thawhlehni anih avangin a pawimawh zawk tiin tran khawh ila, "Chumi anih avangin chawlhnia hman tawh tur, Pathian siam chawlhni kha A siam ani lehlo" tih ziakte a awm bawk silo. Pathian hnial a, mahni thiam inchan tum, Pathian thu aiin mahni thu duh Satana ang kan ni tihna ani deih si.

 Chuvangin, enge kan ngaih pawimawh zawk tur tih leh, kan ngaih pawimawh zawk chuan entinnge kan tih ang tih kan hria: 'kan Lal hnung zui chu.'

 A chian zual zel nan, Zawlnei Saikhum hrilhlawkna Zoram Khawvar tih buteah pawh Sabbath hman tur thu a inziah bawk kha.

 Chuvangin unau, 'mihring chawlhni nge Pathian chawlhni, mihring thupek, zirtirna nge Pathian thupek, zirtirna kan ngaih pawimawh zawk ang,' tiin nangma chatuan hmun kalna tur chu ngaihtuah mai rawh le.

 Joshua'an a sawi kha hre reng bawk chungin. "Kei leh ka chhungte zawngin Lalpa thupek ani kan zawm dawn ni."

  

***MANNA HI I DUHSAKTE EI TURIN HLUI VE RAWH***

 1. Boiha Kan Lo Tar Hun Chuan..

 2. Pathian Mi leh Kohhran Chu Eng Nge? (Thuruk)

 3. Thlarau Hi Eng Nge? Thlarau I Nei Lo?

 4. ..

 5. Thil Tinreng Ei Tur Em Ni?

Thlarau Hi Eng Nge? Thlarau I Nei Lo?

 ‘Taksa nge thlarau in van ram kan luh dawn’ tihte, ‘Taksa ata chhuaka nung zuithei thlarau a awm em’ tihte hriat nan he Manna hi I ei ang u.

**THIH HNU THLARAU NUNG A AWM EM?**

 Thih hnu thlarau nung awm thu hi zirtirna upa leh darh zau tak ani. Isua ringtute tan erawh buaina a awm ta lo ve. Kan entawn, zirna tura Lokal Anih angin, thih hnuah thlarau nung a awm em, taksa nge thlarau in Vanram kan luh dawn tih thutakte Amah atrang zirin kan hre thei. Chuchu pawm tur kan ni bawk ani lawm ni?
 Amah chuan thutak pawm duhte hnenah Thih hnuah Thlarau nung a awm thu a sawi lo. Amaherawhchu Thua A sawiloh te chu a Takin min hmuh tir ani:-

 Amah chu A thi ngei a, A thla erawh a lar lo. A thawhleh hnu pawhin A thih laiin A thlarau a nun thu A sawilo. Thih hnu thlarau nung awm se, thil Ati thei nasa si a, ringlo/rilru in hawnglo ten chatuana nunna an lo pawm nan, a thla chu a lar tir nasa mai mai ang chu! Mahse chutiang, thih hnu thlarau nung a awm tlat lo tih a Takin min hriat tir. Thi na nana nun thu a awm lo.

 "Mithite chuan engmah an hrelo," tih Thuhriltu 9:5 pawh hian ati nghet hle.
 Thih hnua thlarau nung awm anga thla lo lar/hrang thrinte chuan 'mithiten thih hnu pawhin thil an hria' an rawn tihna ani a. A engemaw (Bible emaw chung thla hrangho) zawk zawk chu dawt, bumna ani. Chuchu kan zawng zir chhuak dawn lawm ni?

**CHAWLH LAWKNA PARADISE TIH A AWM EM?**

 Thih hnu thlarau nung a awm si loh chuan, mithi thlan hi chawlhlawkna chu ani tih hai rual anilo. Chuchu Paradise - hmun nuam ani bawk si lo.
 Lal Isua chu A thawhleh hnuah A thih laiin A thlarau Paradise a A chhoh thu pawh a sawi nasa viau lo. Paradise - hmun nuam tak chu Pa inn, Pa Lalram, Chawlh taktakna anih avang zawkin kan tan hmun siam turin Johana bung 14 chang 2a A sawi angin A thawhleh hnuah a chho ta ani.

Ama ruala krosa an khenbeh ve hnenah pawh khan Lal Isuan, ”Dik takin ka hrilh a che, vawinah, ka hnenah paradise ah I awm ve ang,” atih kha tiin kan hrethiam sual bawk a. Kan hre sual lo kan tih tlat chuan, tu nge dawt sawi ni ta? A chhan chu chumi ni chuan A ruala khenbeha kha a thi ve lo. Lal Isuan chumi ni chuan, na kinah Paradiseah a awm tir tur thu a hrilhna alo ni zawk ani.

**MISUAL LEH FEL THLARAU KHAWNGE AN KAL?**

 "Thlarau chu a Petu Pathian hnenah a kir leh," tih Thuhriltu 12:7 pawh hian thih hnu thlarau nung leh chawlhlawkna Paradise kan tih a awmloh zia thu a thlawp ani. Misual leh fel thlarau chu Pathian hnenah an kir veve atihna ani. Chumi awmzia chu, mifel leh sual pawh an nun lehna tur, an Thaw chu Pathian kutah a kir, a awm lehta tihna ani.
 'Mi fel thlarau Paradise ah, mi sual thlarau leiah an vak an vak' tih chu dawt muhlum hlang, tu emaw pakhat ngaihdan mai ani tih Lalpa thu atrang kan hrechiang thei ta ani.

**ENGE THLARAU CHU?**

 Khingkhi kan hriatchian leh zual nan, Pathianin A thu (Bible a Genesis bung 2 chang 7) hmangin "Thlarau hi enge?" tih min hrilh I han zir hrechiang ang u. Chuchu, Leia A siam mihring ruangam/taksa ah chuan Pathian in A thaw a pek khan "Thlarau Nung" alo ni ta chauh ani tih kan chhiar.
 Chuchu ani Thlarau chu, kan thaw - Pathian thaw keimahnia awm chu! Chuchu taksa tel lovin thlarau nung anilo va, taksa pawh thaw tel lovin minung - thlarau nung ani theilo.

"An thaw I la a, an thi, tin an lei ah an kir," tih Sam 104 chang 29 hian thlarau chu ahril leh chiang hle. An taksa lei ah a kira an thlarau (thaw) erawh anung ati lo. Genesis atrang khian, Thlarau nung chu (kan damlaia) keimahni hi ani Lalpa'n Ati tih chiang takin kan hre thei.

 Chu Thlarau, kan thaw - Pathian thaw chuan mitte, kut, ke, pumte anei ve lo. Nei nise, Pathianin lei taksa neilo mihring A thaw chhuak nileng nitin dawn ani. A hranin lei in mihring A siam a ngai dawnlo. Chuvangin Sam 104 chang 29 chuan Pathian thaw - thlarau keimahnia awm, chuchu tuna kan thaw - boruak hi ani tiin a sawi chiang hle. Thawk la thei miahlo in kan hrawk reh nise kan thi mai tih hriatna pawh hian ahril fiah em em ani. Chuti ni suh se in reh vanga thih thu awm suh.

**TAKSA NGE THLARAU IN VANRAM I LUH DAWN?**

 Lal Isua a thawhleha Vana a chhoh khan, thlanah emaw lei hmundangah A taksa pakhatmah A hnutchhiah lo. Kan taksa ngeiin Vanram kan lut dawn tih Thu lovin aTakin Lal Isuan min hmuhfiah tir bawk ani.
 Paul'an 1Korinth bung 14a Van, Lei leh Thlarau taksate, Taksa pangaite a awm atih angin, kan lei taksa ngei chu Van/Thlarau taksa ah Lalpa'n A her danglam dawn ani tih pawh, Lal Isua chungah chu chu a thlen hmasak avangin, kan hre thei ta ani.

**DAMLAI THLA LEH THIH HNUA THLA LAR THRIN HI ENGE?**

 Mihring taksa tellovin kan thaw - Pathian thlarau chuchu A thaw keimahnia awm hi a hranin a nung lova, mit, kut, kete pawh aneilo tih kan hriat atrang, Damlai Thla leh Thih hnua thlarau nung awm anga inlar thrinte hi tutenge, engte nge tih ngaihtuah awm tak ani. A chunga Pathian thu - Van Chaw - Thutak kan dawn atrang enge, tute nge an nih tih chu a ngaihruat hriat theih nghal ani.

 Tunlai thiamna a san angin mihringte pawh hmai kawr changkang em emte hmang theiin midang hmel ang puiin an insiam thei tih video atrangte pawn kan hmu. Satana phei chu keini mihringte aiin a thiam zawk fe tih hriatloh rual anilo Bible kaltlangin Nunna pek tihloh thildang tamtak ati thei ani tih kan hriat atrang tein .

 Chung mai nilovin bum hmang pawh anih avangin, Thih Hnu Thlarau nung a awm ti a mihringte min bum nan thitate hmel, aw leh nungchang ang pu in, Satana leh a hote chu an rawn inlar/hrang thrin ani. Chutiang bawkin, mihring damlai taksa atranga kal hrang thei thlarau nung ruangam nei a awm ani tih pawh min awih tira buma kan awm nan - mi thren khat damlai hmel, aw emaw nungchang ang puin an inlar bawk thrin ani.

 Genesis 3:1a ziah angin Edenah pawh rul (a subtle, chuchu hriat/manchhuah a har avangin) hmangin anih kha Evi pawh a bum. Bumna dang atante pawh mihring zinga a chhiahhlawhte pawh a hmang mahna. Amaherawhchu Pathian hnena trawngtraia A Thu (Bible) bela Isua en tute, a zirtirna pawmtute chuan, Satana leh ahote zirtirna, bumna chu hriaa paihin ahrelo hnenah pawh kan hrilh chhawng thei ta ani.
 Lalpa chu Fakin awm rawh se!

**"VAN CHAW - THUTAK HI I HMANGAIHTE EI TURIN PE VE RAWH"**

 1. Boiha Kan Lo Tar Hun Chuan..
 2. Pathian Mi leh Kohhran Chu Eng Nge? (Thuruk)
 3. ..
 4. Pathian leh Mihring Chawlhnite?
 5. Thil Tinreng Ei Tur Em Ni?

Pathian Mi Leh Kohhran Chu Eng Nge? (Thuruk)

 Khawvelah zirtirna, sakhuate leh kohhran inti tamtak an awm, chuvang chuan he thuruk, - Pathian Mi Leh Kohhran ThuPuanchhuahna - hi, Pa hnena awm duh te tan emaw, kan awm ve nan a pawimawh em em ani.

**KOHHRANTE LEH RAWNGBAWLTUTE HI RIN TUR EM NI?**

 He khawvel, lei damchhung chauh ngaihtuahna tamna ramah hian, Pathian mite chu tute nge leh A kohhran chu enge tih hriat I duh em? Meidilah kang ve lova Pathian mi ni a, Pa Vana Mi hnen Vanah awm I duh em?

 I threnawm emaw, Pastorte, Upa, Reverend, Missionary, inkhawm mite leh fela I ngaihte lanmawi vangin mawl Rin ringawt suh. Nang anga leimi anni a, Lalpa Pathian mite anni kherlo. Lal Isua thattute kha chumi hunlai kohhran leh hruaitute annih kha tih hre reng rawh. Mahni ngaihdan pawh ring suh. Mihring aia siam hmasak leh thiltihtheihnaa sang zawk Vantirhkoh thianghlim famkim (mahse sual thlang tate) mah bumtu annih kha.

 Thinlung inhawngin, Pa Pathian leh A thu chu ring zawkin, trawngtraina nen A thu, Bible chhiar la mihring ngaihdantea siam chawp kohhrante leh an zirtirnate Bibleah I hmu lovang. Lalpa chu I chungah A lawm anga, I mit Ati var anga, A thutak I hmu fiah tawh zawk ang.

**PATHIAN MITE CHU TUTE NGE?**

 Lalpa Thutak, Manna chu I hmuh hun apianga I ei - I pawma I nunpui zel chuan A mifel, kohhran diktak I lo ni. A kohhran, mithianghlimte chu Thupuan bung 12:17, 14:12ah chuan 'Pathian thupekte zawma Isua rinna vawng tute,' A ti. Amaherawh chuchu tamtak tan a fiah zo lo. Achhan chu Pathian thupek zawma Isua hriattirna pawmtu anga inngai, nisilo, thinlung hawng silo tamtak an awm.

 Lal Isua leia A Pa rawng A rawn bawl lai khan, Israelte pawh, Pathian thu awihah an inngai. Mahse an hnawl si, Pathian Thua - Lal Isua chu! Thupek pawm ang mahse, a thupetu Lal an pawm silo.

 Chuvangin, hei hi ani Pathian mite chu, Lal Isuan Johana hnena A Thupuan bung 3:20 kha, "..tu pawhin ka aw hriaa kawng a hawn chuan, a hnenah ka lut anga, chuan amah nen ka ei ang,.." Chuchu Pathian Thu tana thinlung kawngkhar lo hawngtute anni. Lal Isua chu A taksain thinlungah Alo lut dawn lo. A thu, Thutak, chuchu Pathian thu, Manna zawk in ani A luh thrin. Chu Manna dawng theilo chuan a thinlung kawngkhar Isua a hawnlo tihna ani.

 **PATHIAN MITE CHU ENG KOHHRANAH NGE AN AWM?**

 Lalpa tana heng thinlung inhawngte hi hmun, sakhua leh kohhran hranghrangah an awm. Anni chu Pathian meichher anni. Isua aw hriain an thinlung kawngkhar an lo hawn zel avangin Pathian Thlarau hruai theih anni a. An awmna ata pumkhat turin huang khatah Isuan a hruai chhuak anga, an eng chu a lian hle ang. 
 Zoram Khawvar butea ziak Zawlnei Saikhum'an a sawi  'Zorama meichher tete telkhawm' atih chu (a kimlo in) ani pakhat ani (Khawvel nilo Zoram huap ani si a).

**PATHIAN KOHHRAN I NI EM?**

 Chuvangin, Pathian kohna aw kan hriat hunin mihring siam kohhrante leh zirtirnate kan lo pawm tawh kalsan theih a pawimawh hle ani. I thinlung tikhauh, kawngkhar kalh tlat suh. Lal Isua huna kohhran zirtirna kha hluihlawn anih kha hre reng rawh, chutihlaia kohhran rawngbawltute pawh.
 Achhan, 'An doctrinete atan mihring thupekte an zirtir avangin, (Mat 15:9 KJV)' - An kohhran leh zirtirna paiha, kalsana Pathian thutak, Manna chu an thinlung kawngkhar hawnga an lakluh duhloh avangin.

 Duh leh miten pawl thar emaw, kalsual emaw, an duhduh hming phuah se. 1 Korinth 6:9ah mihring taksa hi Pathian temple ani atih angin, hengte hi kohhran, Lalpa Pathian kohhran chu anni - thinlung kawngkhar Manna dawng tura lo hawngtute chu. (Hengte hi Thupuana ziahte chu an la ni dawn ani - Lalpa tan an thinlung an hawn (zel) avangin, Pathian thlarau hruaitheih anni si a.
 Chung zingah tel turin A aw ka hre ve lo, min ko hrang velo ti suh. He Manna hi A kohna, kohhranna che zinga pakhat ani.!

*^"HE PATHIAN KOHHRAN THURUK PUANCHHUAH LEH MANNA DANGTE CHU I THRIAN DUHTAKTE EI TURIN THAWN VE RAWH"^*

 ***Manna - Van Chaw Ei Theilo Chu Pa Hnen Vanah An Awm Theilo***

 1. Boiha Kan Lo Tar Hun Chuan..

 2. ..

 3. Thlarau Hi Eng Nge? Thlarau I Nei Lo?

 4. Pathian leh Mihring Chawlhnite?

 5. Thil Tinreng Ei Tur Em Ni?

Boiha Kan Lo Tar Hun Chuan..

Boiha I nu leh pa hi kan lo tar hun chaun:

Kan vanglai ang kha kan nih dawn loh a vangin...hriatthiamna thuk tak leh dawhtheihna nen min enkawl ang che..

1. Berhchep leh sawngnawi taka kan ei kan in hunin chawbarh hial kan lo ngaih hunah pawh min ten mai lo la, I naupan laia chaw kan barh thin che leh berhchep tak a i chaw eitur kan sawngbawl sak thin che kha khawngaihin han hrereng thin ang che aw boihte..

2. Thu pangai leh sawi hnu kan sawi nawn chhen hun alo thlenin dilchhut em mai tiin min hau mai suh aw. I naupan lai a zan mut dawn a thawnthu hrilh hnu ning mai lova kan hrilh nawn fo thin che kha han hrereng ang che.

3. Mahni a kan inbual theih loh hun, puitu kan mamawh hunin...mawngzang takin min pui thin ang che. I naupan laia tual balah duh tawka I tal hnua duat taka tuilum nen kan bual thin che kha hrereng ang che.

4. Tunlai khawvel thara bungraw thar(thil thar)tam tak ka hriatthiam ve loh pawhin min nuihsan min vin mai lo la, i naupan lai a "Engvang nge? Engatinge?” ti a i zawhna zawng zawng ning lova dawhthei taka kan chhan thin che kha hrereng ang che.

5. Rilru duh ang taksain a zawm theih loh hun, tha chaklo tak chung a khawlai kan leng vel min hmuh hunah leh kaih ngaia kan awm hunah I ban thahrui chak tak mai khan min kai thin ang che. Kal chhet chhet i zir laia kal dan kan zirtir thin che kha han hrereng ang che.

. A ni tel a ka lo tar hunin min lungngaihpui mai lovin, min hrethiamin min hnem fo zawk ang che. Hringnun kawng fel tak I zawh theih nan kawng dik ka kawhhmuh thin che ang bawk khan kan hun hnuhnung kan zawh mek lai hian kan bulah min tanpui tu ni ang che..

6. Mahni a zunram leh ek pawh thiar thei lova buaipui ka ngaih hunah, hnawksak min ti mai lo la, min ten mai suh ang che aw..I nuapan laia I zun leh ek kan thiar sak thin che kha hrereng ang che.

7. Ka zun leh ek avanga kan mutbu leh awngphahte a lo rimchhiata suk a ngaih hunah min ten mai lo la, I naupan laia I zun leh ek thiarna puan leh awngphah ning miah lova kan suksak thin kha hereng ang che.

8. Lehkhate I lo zirsanga saptawngte I lo thaim hunah sap tawng mal hnihkhat kan tihrik ve chhun te a lo diklo anih pawhn min hmusitin min zahpui mai suh ang che..I nuapan laia A Aw B leh A B C kan zitir nasat thin zia che kha theihngilh suh ang che .

9. I nu emaw I pa zawk emaw boral hmasa zawk kan awm ngei anga, lungleng khawhar taka kan awm hun a lo thlenin mi lenbosan reng lo la, kan phaktawk lekin min kawmhlim tum hram ang che. I naupanlaia I nu feh hlan leh I pa zin hlana I lunglen emem laia titlei tum a kan awm nasat thin zia che kha han hrereng ang che.

10. Thil awm leh awm lo pawh hre lova naupang ang maia thil kan ngen kan ngen hunte a lo thlen hunah min hau mai la, min hmusit mai lo la, nang pawh I naupan laia thil I ngen nasat zia kha hrereng la, I ngen apiang tihsak che tuma kan beih nasat zia kha han hrereng ang che aw boiha.

(by Pastor PL Thlenga)
************************************************

Blog Thupui Te:

 1. ..
 2. Pathian Mi leh Kohhran Chu Eng Nge? (Thuruk)
 3. Thlarau Hi Eng Nge? Thlarau I Nei Lo?
 4. Pathian leh Mihring Chawlhnite?
 5. Thil Tinreng Ei Tur Em Ni?

==============================================================

 Pastoror PL Thlenga thuhrilte youtube ah en theiha dah ani.

PA HMANGAIHNA ROPUI

===============================================

Sual Puanna Harhna Dik